Lëndët e kurrikulës grupohen në gjashtë grupe, ku nxënësit zgjedhin një lëndë nga secila - tre prej të cilave duhet të zgjidhen në nivel standard dhe tre në nivel më të lartë. Shkollat ofrojnë kombinime të ndryshme të lëndëve dhe niveleve të studimit, por gjashtë grupet kryesore janë të njëjta në të gjithë botën.
Grupi 1: (gjuha e parë) Kjo është ose gjuha e parë e nxënësit ose gjuha e mësimdhënjes së shkollës. Fokusi është tek gjuha dhe literatura.
Grupi 2: (gjuhë e dytë) Mund të studiohet në nivel fillestar, mesatar dhe të avancuar.
Grupi 3: Njeriu dhe shoqëria (histori, ekonomi, gjeografi, psikologji, etj.)
Grupi 4: Shkencat eksperimentale (biologji, kimi, fizikë, sisteme natyrore, etj.)
Grupi 5: Matematikë
Grupi 6: Artet (muzika, drama, artet pamore ose lëndët nga grupet 1 deri në 4).
