Kur bëhet fjalë për studime jashtë vendit, shumë prej nesh janë në mëdyshje, se cilat janë universitet më të mira për programin që dëshirojmë. Po jua lehtësojmë punën. Disa nga universitetet më të mira për studime jashtë vendit i gjeni në Londër, Angli.
Ka shumë arsye se përse studentët që duan të studiojnë jashtë vendit, zgjedhin universitetet në Angli.
Universitetet në Angli ofrojnë një pafundësi programesh studimi sidomos nëse interesoheni për studime në Londër. Ato ofrojnë qasje individuale dhe mbështetje maksimale ndaj studentëve ndërkombëtarë.
Universitetet Britanike renditen ndër më të mirat, për të studiuar, sidomos për studentët me ambicie. Të gjithë jemi të vetëdijshëm se kur zgjedhim një universitet në Angli, kemi zgjedhur jo vetëm sistemin arsimor ndër më të mirët në botë, por edhe një mjedis me një diversitet të madh kulturor.
Janë të shumta universitetet në Angli, por universitetet më të mira për studime jashtë vendit do ti gjeni në zemër të Londrës.
Universitetet në Londër rankohen në top 10 nga studentët të cilët kanë kryer studimet e tyre atje.
Mund të përmendim këtu:
- Brunel University London
- Middlesex University London
- The University of Northampton
- University of Westminster
- University of Sunderland
- Regents University London
- University of Greenwich
- City, University of London
Secili prej këtyre universiteteve ka kampusin e tij ku studentët mund të akomodohen pa e vrarë mendjen se ku do të qëndrojnë gjatë studimeve. Por jo gjithmonë studentët gjejnë dhoma të lira në kampus, prandaj disa prej tyre duhet të marrin apartamente ose studio me qira.
Nëse flasim për kostot e studimit në Londër do të theksojmë se ato variojnë nga vendndodhja . Duke qënë se jemi në Londër, kostoja mesatare që një student duhet të paguajë për akomodimin e tij është rreth 850-1280 GBP në muaj.
Kostoja e studimeve varet nga vendi ku studioni. Tarifa minimale për një vit studimi në një universitet publik është 13,000 GBP.
Në universitetet në Londër nuk ka një tarifë tavan por shumica e tyre kanë tarifa që nisin nga 13,000- 18,000 GBP në vit, në varësi të programit që dëshironi të ndiqni.
Për studimet pasuniversitare, studentët zakonisht paguajnë nga 15,000 – 25,000 GBP në vit, në varësi të programit që ata zgjedhin.
Përvec studimeve një student ka edhe shpenzimet e tjera si psh , ushqimi ,transporti etj. Kostoja e jetesës në Mbretërinë e Bashkuar varet nga qyteti, por mesatarisht në Londër duhen 850 £ në muaj për akomodim, 500 £ në muaj për ushqim, 120 £ në muaj për transport, që në fund si kosto totale shkon diku 1470 £ në muaj.
Edhe pse ka këto tarifa, Anglia mbetet destinacioni i preferuar i studentëve për studime jashtë vendit. Kjo për arsyen e thjesht sepse ata kanë mundësin edhe të punojnë gjatë kohës që ndjekin studimet e tyre, dhe kanë të drejtë qëndrimi deri në 1.5 vite pas mbarimit të studimeve.
Për më shumë informacion, kontaktoni konsulentët tanë pranë zyrave të Integral Education Programs, të cilët do ju udhëzojnë për mundësitë më të mira për të studiuar jashtë vendit.