STUDIME NE ANGLI

Prestigji, tradita dhe mundësitë e shumta janë tre avantazhet kryesore të arsimit në Angli, një destinacion që tërheq më shumë se 485,000 studentë të huaj në më shumë se 150 universitete dhe 50,000 programe studimi. Anglia është shtëpia e disa prej institucioneve arsimore më të famshme në botë - Oxford, Cambridge, UCL, King's College London, janë vetëm disa nga institucionet arsimore prestigjioze ku një numër i madh i studentëve shqiptar realizojnë potencialin e tyre akademik çdo vit. Si një qendër industriale globale me kompani të tilla si AstraZeneca, Unilever, Barclais, British Petroleum, Burberry, Vodafone, Anglia është një vend ideal për të filluar një karrierë të suksesshme dhe një diplomë prestigjioze nga një universitet anglez është hapi i parë drejt saj.

ARSIMI I LARTË NË ANGLI

Krahas cilësisë, studimi në Angli ofron një larmi të jashtëzakonshme studimesh, mundësinë e kombinimit të dy drejtimeve, zgjedhjen e lëndëve shtesë me zgjedhje në përputhje me interesat. Programet bachelor ne Angli zgjasin tre ose katër vjet. Në studimet katërvjeçare, studentët zgjedhin nëse do të përfshijnë praktikën në një pjesë të studimeve të tyre (i ashtuquajturi viti i punësimit), nëse do të specializohen në një fushë të zgjedhur apo do të kalojnë një vit në një program shkëmbimi për studentë të huaj. Programet janë të ndara sipas qasjes dhe specializimit, dhe dallojmë BA, BSc, BEng dhe diploma të tjera universitare. Programet master ne Angli zgjasin një ose dy vjet dhe vitet e fundit është rritur numri i universiteteve që ofrojnë studime online. Laboratorët modernë dhe zonat e specializuara të universiteteve ne Angli u ofrojnë studentëve mundësi për punë kërkimore në fushën e bioshkencës, mjekësisë, farmacisë, simulimin e rasteve të jetës reale; xhirimet dhe krijimi i efekteve speciale në industrinë e filmit dhe televizionit; simulimi i fluturimit dhe të ngjashme. Mundësia e banimit në konvikte studentore e bën më të lehtë për studentët të mësohen me një ambient të ri.