THE HAGUE UNIVERSITY OF APPLIED SCIENCES

Haga është kryeqyteti politik i Holandës dhe vendbanimi i familjes mbretërore. Qyteti është shtëpi e kulturave dhe kombësive të ndryshme dhe kombinon si avantazhet dhe mundësitë e një qyteti të madh, ashtu edhe shpirtin e një qyteti të vogël. Në Hagë ndodhet Gjykata Ndërkombëtare Penale, ish-tribunali për krimet e luftës, Europol dhe institucione të tjera. Qyteti njihet gjithashtu si qyteti ndërkombëtar i paqes, drejtësisë dhe sigurisë. Haga është një qendër biznesi me selitë kryesore të shumë kompanive ndërkombëtare dhe gjithnjë më shumë studentë ndërkombëtarë e zgjedhin për studime jashtë vendit.

Universiteti i Hagës është një përfaqësues elitar i institucioneve arsimore me fokus professional. Ai ka një bazë të fuqishme mësimore dhe pajisje moderne teknologjike. Stafi mësimdhënës, si dhe studentët e huaj, vijnë nga mbi 140 vende të ndryshme. Mësimdhënia zhvillohet në klasa të vogla, me qëllim ofrimin e një vëmendjeje më të madhe personale nga ana e mësuesve. Programet lejojnë një semestër në një universitet partner në një vend tjetër – një mundësi ideale për ata që duan të studiojnë jashtë vendit dhe të kenë një përvojë ndërkombëtare të pasur.

Pjesa praktike e çdo programi parashikon që studentët të kalojnë një periudhë të caktuar të studimeve në kompani reale në funksionim, për të zbuluar realizimin e tyre profesional. Nëse je duke menduar si të aplikosh për universitet ose je në kërkim të një konsulence për studime jashtë vendit, Universiteti i Hagës mund të jetë një zgjedhje ideale që ofron mbështetje që nga aplikimi deri te integrimi në jetën studentore.

Si një nga qytetet më të mëdha, Haga ofron shumë opsione për strehim – konvikte, shtëpi dhe apartamente. Çmimet variojnë nga 350 deri në 650 euro në muaj. Për vitin e parë, shumica e studentëve përdorin shërbimet e agjencisë me të cilën bashkëpunon universiteti, dhe më pas kërkojnë strehim vetë.