HTMi - Hotel and Tourism Management Institute Switzerland

Kampusi i universitetit ndodhet në Sörenberg – një zonë e njohur ndërkombëtarisht dhe e mbrojtur nga UNESCO. HTMi është një institucion ideal për ata që dëshirojnë të ndjekin studime jashtë vendit në fushën e menaxhimit të hoteleve, eventeve dhe kulinarisë. Ai dallohet për pesë qendra akademike – për menaxhimin e hoteleve, eventeve, kulinarisë dhe karrierës, si dhe një qendër kërkimore për turizmin dhe hotelerinë. Studentët jetojnë dhe studiojnë në ndërtesat e dy hoteleve piktoreskë dhe tradicionalë, duke përfituar nga një mjedis i veçantë pune.

Përveç diplomave zvicerane, studentët e bachelor dhe master marrin edhe diploma nga universitetet kryesore britanike – University of Ulster dhe Edinburgh Napier University, duke krijuar kështu një mundësi të shkëlqyer për të përfituar nga mastera në Angli dhe bashkëpunime ndërkombëtare. 93% e të diplomuarve fillojnë punë brenda gjashtë muajve pas diplomimit, çka lehtësohet edhe nga mundësitë e praktikave në zinxhirët botërorë të njohur si Hilton, Novotel Accor, Intercontinental, Radisson, Al Raha në Abu Dhabi dhe të tjerë.