A-LEVEL

Zgjedhja e lëndëve për të studiuar në A level varet nga planet personale të zhvillimit profesional të studentit dhe nga specifikat dhe kërkesat e pranimit të universiteteve. Ofrohet një shumëllojshmëri e gjerë lëndësh, dhe përveç lëndëve tradicionale të studimit, studentët mund të zgjedhin aktivitete jashtëkurrikulare që lidhen me kërkesat specifike të drejtimeve të veçanta, të ndërmarrin studime të pavarura (EPQ) dhe të përgatisin një portofol. Gjatë 2 viteve të A level studiohen minimalisht 3 lëndë dhe kombinimi i tyre është shumë i rëndësishëm për të përmbushur specializimin dhe kërkesat e universitetit të dëshiruar. Në fund të vitit II (viti 13) bëhen provimet publike përfundimtare (në datat e shpallura nga bordi drejtues). Shkalla e vlersimit për një provim të kaluar me sukses është D - A*.
 

Specializimi që në shkollë të mesme është një nga avantazhet kryesore të programit të nivelit A. Studentët mund të zgjedhin një numër të vogël (minimumi 3) lëndësh për të studiuar sipas preferencave të tyre personale.