Kemi kënaqësinë të ndajmë me ju historinë e jashtëzakonshme të suksesit të Abigelës, përkushtimi dhe këmbëngulja e së cilës në Queen’s College – një shkollë me konvikt e nivelit të lartë në Mbretërinë e Bashkuar – kulmuan me një arritje mbresëlënëse: rezultatet AAB në provimet e A – levels. Këto rezultate i siguruan asaj një vend në Universitetin prestigjioz të Teknologjisë në Eindhoven (TU/e) në Holandë, një nga destinacionet më të kërkuara për inxhinierët e ardhshëm, ku ajo do të studiojë Data Science me një vit praktike në industri.
Udhëtimi i Abigelës me Integral nisi shumë herët. Në moshën vetëm 9-vjeçare, ajo pati për herë të parë eksperiencën e arsimit ndërkombëtar duke ndjekur një nga kampet tona verore në Mbretërinë e Bashkuar. Ky kontakt i hershëm me të mësuarit global hodhi bazat për rrugëtimin e saj të suksesshëm në vijim.
Kur iu bashkua gjimnazit Queen’s College, Abigela u bë shumë shpejt pjesë e pandarë e komunitetit akademik dhe të konviktit. Ne rolin e saj si kujdestare klase, ajo tregoi lidership dhe përkushtim të jashtëzakonshëm, duke mbështetur shokët e saj dhe duke kontribuar në mënyrë pozitive në jetën e shkollës.
Fituese krenare e Medaljes së Artë të Diplomes se Queen’s, dhe njëkohësisht fituese e Çmimit të lëndës për vitin e 13-të në Fizikë, ajo largohet nga shkolla jo vetëm me rezultate të shkëlqyera, por edhe me një portofol të pasur lidershipi, shërbimi dhe zhvillimi personal, që pasqyron më të mirën e frymës së Queen’s College.
“Ka qenë një kënaqësi e madhe ta kemi Abigelën pjesë të komunitetit tonë dhe jemi të bindur se ajo do të vazhdojë të shkëlqejë në kapitullin e ri të jetës së saj”, është shprehur stafi i shkollës Queen’s College për Abigelën.
Suksesi i saj është një shembull frymëzues se si puna e palodhur, e kombinuar me mbështetjen e duhur, çon drejt mundësive të jashtëzakonshme. Jemi shumë krenarë që e kemi udhëhequr në këtë rrugëtim dhe besojmë se historia e saj është një dëshmi e fuqisë së këshillimit të vazhdueshëm dhe profesional. Mezi presim të ndihmojmë edhe shumë studentë të tjerë të ndjekin rrugën e suksesit dhe të arrijnë potencialin e tyre të plotë.