Shumica prej nesh e lidhin arsimin cilësor me studimet jashtë vendit dhe kjo është veçanërisht e vërtetë kur bëhet fjalë për të studiuarit në Hollandë. Cdo vit mijëra studentë kandidatë ndërkombëtarë zgjedhin vendin e tulipanëve për të vazhduar rrugën e tyre arsimore. Përparësitë kryesore të institucioneve të arsimit të lartë janë programet e akredituara në anglisht, baza inovative universitare dhe çmimi i përballueshëm.
Universitetet në Hollandë janë të ndarë në dy lloje: kërkimor shkencor dhe shkencë e aplikuar. Në varësi të qëllimeve dhe planeve të tyre, kandidatët mund të zgjedhin një orientim më teorik ose më praktik dhe profesional të trajnimit të tyre.
Ka shumë informacion konfuz për arsimin në Hollandë dhe shpesh studentët e ardhshëm marrin rekomandime të gabuara që mund të çojnë në zgjedhje të papërshtatshme të shkollës. Me këtë artikull synojmë të tërheqim vëmendjen për universitetet e shkencave të aplikuara, si një qasje moderne e ekonomive të forta evropiane për të trajnuar specialistët e tyre të ardhshëm
Universitete jashtë vendit
- Universitetet e shkencave të aplikuara nuk janë aq “prestigjioze” sa universitetet tradicionale.
Fakt: Shumica e njerëzve preferojnë të marrin informacion të strukturuar në formën e një liste konkurence, por shpesh këto lista janë të vjetruara, të diskutueshme ose kufizuese. Renditja e universiteteve ndërkombëtare është pikënisja për shumë studentë të ardhshëm dhe prindërit e tyre, por është pak i njohur fakti që institucionet në këto renditje në të vërtetë paguajnë vendin e tyre. Për më tepër, renditjet cilësore për universitetet vlerësojnë kritere të tilla si numri i botimeve akademike që nuk janë një përparësi kryesore për universitetet praktike. Nga ana tjetër, informacion më të gjerë për institucionet e arsimit të lartë në Hollandë mund të gjenden në renditjen e Keuzedids, i cili vlerëson faktorë të tillë si kënaqësia dhe suksesi i studentëve, baza teknike dhe orientimi praktik.
Rekomandim: Si konsulentë me përvojë 28 vjeçare në këtë fushë, ne këshillojmë të gjithë studentët tanë të ardhshëm që së pari të zgjedhin programin e duhur për ta dhe më pas të shkojnë në universitetet që ofrojnë programin. Webiste zyrtare, të tilla si www.studyinholland.nl, ofrojnë një pamje të plotë të të gjitha programeve në Hollandë.
- Të studiuarit në një universitet të shkencave të aplikuara mund të jetë pengesë për të marrë një diplomë master.
Fakt: Nuk ka asnjë pengesë që të diplomuarit e universiteteve të shkencave të aplikuara të vazhdojnë shkollimin e tyre dhe të marrin një diplomë master. Në fakt, universitetet praktike ofrojnë programe master që janë të orientuara drejt realizimit profesional. Sigurisht, nëse studentët zgjedhin të ndjekin një diplomë master në një universitet akademik, në varësi të vendndodhjes së zgjedhur, ata mund të kenë nevojë për trajnim para-master. Në vende të tilla si Shtetet e Bashkuara dhe Mbretëria e Bashkuar, trajnim i tillë nuk kërkohet. Zakonisht kërkohet në vendet që kanë universitete klasike dhe ato të aplikuara dhe përqendrohet në fusha të tilla si matematika dhe statistika. Shumë institucione holandeze u ofrojnë studentëve të tyre që të kalojnë një trajnim të tillë gjatë diplomës së tyre, duke i lejuar ata të vazhdojnë menjëherë studimet.
Rekomandim: Roli i këshilltarëve arsimorë me përvojë është jashtëzakonisht i rëndësishëm, pasi ata janë njerëzit që mbështeten në ekspertizën e tyre dhe përvojën shumë vjeçare, për të ndihmuar studentët e ardhshëm të përcaktojnë planet e tyre akademike dhe qëllimet e ardhshme profesionale. Vetëm në këtë mënyrë kandidatët mund të zgjedhin programin dhe universitetet më të përshtatshme për ta dhe së bashku me konsulentin mund të hartojnë strategjinë e duhur arsimore dhe hapat e nevojshëm.
- Studentët që mbarojnë universitetet e aplikuara e kanë më të vështirë të gjejnë punë në tregun e punës.
Fakt: Modeli arsimor i universiteteve të shkencave të aplikuara përfshin shumë detyra praktike, internship-e dhe në disa raste madje krijojnë startup-et e tyre edhe gjatë trajnimit. Në këtë mënyrë, të diplomuarit përgatiten për specifikat e fushës së tyre profesionale të zgjedhur nga ata dhe gjejnë një punë menjëherë pas diplomimit, shpesh në kompanitë në të cilat kanë bërë praktikë. Një nga maturantët më të njohur të universitetit të aplikuar është Peter Elbers, president dhe menaxher i linjës ajrore holandeze KLM Royal Dutch Airlines. Ai studioi menaxhimin e logjistikës në universitetin më të madh të shkencave të aplikuara – Fontys UAS.
Rekomandim: Veçoritë e mjedisit të tregut të sotëm tregojnë se ndërmarrjet e mëdha kërkojnë në mënyrë aktive stafin që kanë njohuri praktike dhe aftësi profesionale. Prandaj, universitetet e shkencave të aplikuara zënë një vend të rëndësishëm në fushën e arsimit dhe themelohen jo vetëm në Hollandë dhe Gjermani, por edhe në Austri, Belgjikë, Danimarkë, Finlandë, Norvegji dhe Suedi. Nga ana tjetër, institucionet klasike të arsimit të lartë janë zgjidhja më e përshtatshme për këdo që preferon formimin teorik, është i interesuar për kërkime dhe dëshiron të arrijë në një doktoratë.
Për më shumë informacion rreth universiteteve jashtë vendit:
: +355 69 40 40 415
: leidia@integral.al