Studio në Hollandë - Konsultime falas për programe studimi, aplikime dhe bursa

Tilburg University është themeluar në vitin 1927. Ai është një universitet i bazuar në kërkimet shkencore dhe në vite eksperience dhe tradita, duke i inkurajuar dhe përgatitur studentët me kërkesat profesionale të botës moderne.  Universiteti është i njohur për arsimin e tij me cilësi të lartë, orientimin social dhe ndjenjën e fortë të jetuarit në kampus dhe në komunitet. Tilburg University ndodhet në qytetin Tilburg, i cili është qyteti i gjashtë për nga madhësia në Hollandë si dhe një nga qëndrat arsimore më të rëndësishme në vend. Qyteti është gjithashtu një vend turistik, me një jetë kulturore të larmishme dhe kushte të përshtatshme për argëtim.

Tilburg University ofron nje numër të madh të programeve bachelor dhe master në gjuhën angleze në fushat e: Ekonomisë dhe Menaxhimit, Ligjit dhe Administratës Publike, Shkencave Sociale , Kulturës & Filozofisë, Teologjisë. Stafi i kualifikuar i universitetit siguron cilësi të lartë në arsimim. Ai nxit lidhjen dhe bashkëpunimin ndërdisiplinor midis njerëzve dhe ekipeve dhe promovon cilësinë e lidershipit brenda një organizate efektive.
Universiteti Tilburg operon me një orientim ndërkombëtar akademik.  Ai ka partneritet me më shumë se 100 universitete në vende të ndryshme të botës , disa prej të cilave janë Universiteti Cornell, Universiteti i Barcelonës, Universiteti i Glasgow, National University of Singapore etj. 
Tilburg University është renditur në 50 universitetet më të mira në botë dhe vend të parë në Hollandë për degën e Economics & Econometrics, për vitin 2018, (QS World University Rankings by subject, 2018).

Themeluar në vitin 1614, Universiteti i Groningen është një ndër 100 universitetet më të mira në botë dhe ofron programe arsimore me cilësi të lartë për studentë nga e gjithë bota. Komuniteti ndërkombëtar i studentëve përfshin përfaqësues nga mbi 120 vende të ndryshme.

Universiteti ofron një kurrikul të gjerë ndërkombëtare me 35 programe studimi në anglisht në nivel bachelor dhe mbi 150 programe masteri. Fushat e studimit përfshijnë shkencat dhe inxhinierinë, artet dhe shkencat humane, biznesin dhe ekonominë, shkencat hapësinore, psikologjinë dhe të drejtën ndërkombëtare.

Groningen është një qytet shumë i popullarizuar studentor — energjik dhe i sigurt. Ai ofron një shumëllojshmëri shoqatash studentore, aktivitete sportive, argëtim, muzikë dhe kulturë, duke krijuar ekuilibrin e përsosur midis studimeve dhe kohës së lirë.
 

The Hague University of Applied Sciences eshte nje universitet i shkencave te aplikuara me filozofine e kombinimit te teorise dhe praktikes. Mësimdhënia zhvillohet në grupe të vogla, në menyrë që studentëve ti jepet kujdes individual nga ana e profesorëve. Programet e studimit japin mundësinë për të bërë një transferim të një semestri në një universitet partner në një shtet tjetër. Pjesa praktike e secilit program nënkupton që studentët të kalojnë një periudhë të caktuar gjatë studimeve të tyre në kompani që zhvillojnë aktivitete reale.
Kampusi kryesor i The Hague University of Applied Sciences eshte I vendosur ne qytetin e Hages. Haga eshte qyteti  ndërkombëtar i paqes dhe drejtësisë - zemra politike dhe kulturore e Hollandës. Është shtëpia e Pallatit të Paqes, Gjykatës Ndërkombëtare të Drejtësisë, Binnenhof (parlament), 115 ambasada, kompanive nderkombetare si Shell, Siemens dhe ING dhe shumë NGO ndërkombëtare. Universiteti ka kampuse edhe ne Zoetermeer dhe Delft. 

THUAS ka rreth 26 000 studente te cilet vijne nga me shume se 146 studente, 13 % prej te cileve jane student nderkomberate. Kjo gje e ben universitetin nje nga universitetet e shkencave te aplikuara me diversitetin me te madh te kombesive te ndryshme. Universiteti ofron 15 programe studimi te cilat jane te zhvilluara ne Anglisht dhe varjojne ne deget e inxhinierise, ligjit , shkencave sociale dhe biznesit . The Hague University ofron 11 programe Bachelor dhe 4 programe Master te zhvilluara ne Anglisht. Programet nderkombetare Bachelor dhe Master jane vazhdimisht te perditesuara per te reflektuar zhvillimet dhe ndryshimet ne biznes dhe industri. Ato jane te akredituata NVAO (The Accreditation Organisation of the Netherlands and Flanders). 

Fontys University është një nga universitetet më të mëdha në Holandë, e njohur për ofrimin e arsimit të lartë cilësor në fusha të ndryshme si biznesi, teknologjia, shkencat shoqërore dhe arte. Universiteti ka programe studimi në gjuhën angleze dhe ofron mundësi të shumta për studentët ndërkombëtarë.

Kampuset e Fontys janë moderne dhe të pajisura me teknologji të avancuara, duke krijuar një ambient të përshtatshëm për mësim dhe zhvillim profesional. Universiteti gjithashtu ka lidhje të forta me industrinë, duke ofruar praktikë dhe projekte të bazuara në tregun e punës, gjë që u ndihmon studentëve të krijojnë lidhje të rëndësishme për karrierën e tyre në të ardhmen.