Të jetosh në Sh.B.A për pjesëmarrësit e ardhshëm në programin Work and Travel USA do të jetë argëtuese dhe emocionuese. Sidoqoftë, për tu përshtatur më mirë me situatat që ju presin, duhet të njiheni më nga afër me kulturën amerikane. Ju mund të pyesni veten, “Pse ata e bëjnë këtë”, për disa zakone amerikane? ose “cfarë do të thotë kjo?”. Për shkak të kësaj, ne do të ndajmë me ju gjërat më të rëndësishme për t’u mbajtur në mend para se të filloni këte aventurë.
Përmasat e ekzagjeruara “XXXL”
Ndërsa vendet e tjera dallohen si praktike dhe kompakte, amerikanët shpesh preferojnë luksin. Mos u habitni nga SUV-të që bëjnë xhiro nëpër rrugë dhe parkingje. Ata adhurojnë hapësirën dhe madhësinë e tyre dhe mund të jenë shumë praktike për ta. Kjo mënyrë e të menduarit vlen edhe për ushqimin amerikan, ku shumica e restoranteve shërbejnë racione shumë të mëdha, kjo është arsyeja pse nuk është e rrallë që ushqimet të merren në shtëpi.
Rutina ndryshe
Shumica e amerikanëve janë gjithmonë në lëvizje – ata duket se po nxitojnë vazhdimisht në takime biznesi dhe mbledhje sociale. Për shkak të kësaj, ata shpesh nuk kanë kohë për vaktin “normal” që jemi mësuar, dhe një frazë e zakonshme që do të dëgjoni është: “24 orë në ditë nuk është e mjaftueshme për mua!”. Kjo është arsyeja pse ju shpesh mund t’i shihni ata duke shëtitur me gota kafeje, pije ose ushqim të paketuar për udhëtim.
Argëtimi
Për amerikanët, dalja jashtë dhe argëtimi është burimi më i madh i argëtimit. Pothuajse ne çdo cep te qyteteve mund të shijoni ushqimin e kuzhinave të ndryshme botërore, të tilla si italiane, meksikane, kineze dhe të tjera.
Fanatikë të sporteve
Shumë banorë të Amerikës pëlqejne të ndjekin sportet, më të njohurit janë futbolli amerikan, bejsbolli dhe basketbolli. Do të habiteni kur shihni se futbolli klasik, i luajtur në Evropë dhe në pjesën tjetër të botës, nuk është aq popullor. Sporti mund të jetë një faktor i rëndësishëm për t’u bashkuar dhe ndarë, dhe gjatë rrjedhës së sezonit me siguri do t’i shihni kolegët tuaj të hyjnë në diskutime të nxehta për ekipin e zemres dhe diskutimi kush është më i mirë.
Fryma konkurruese
Si shumë kultura, amerikanët janë të ngazëllyer nga konkurrenca. Që në moshë të re, fëmijët inkurajohen të punojnë shumë dhe të bëjnë çmos për të pasur sukses në detyra të ndryshme, veçanërisht në arsim, sport dhe hobi të tjerë. Universitetet janë shumë konkurruese dhe prindërit përgatisin fëmijët e tyre në nje moshë të re.
Korrektësia
Duke pasur parasysh që ka shumë dallime ne prejardhje në Amerikë, është praktikë e zakonshme që gjithmonë të respektohen kulturat e tjera dhe dallimet njerëzore, veçanërisht në komunikimin dhe shprehjen e ideve tona. Eshtë një rregull i pashkruar të mos përdorni fjalë ose shprehje që mund të interpretohen si fyese ose ofenduese, në varësi të shoqerise tuaj. Kolegët tuaj mund të jenë të moshave, gjinive dhe racave të tjera,dhe korrektësia kulturore është një mënyrë për t’i ndihmuar të gjithë të ndjehen mirë në një grup.
Chatimi
Shumë amerikanë u pëlqen të flasin për tema të tilla si moti, sporti ose një shfaqje e njohur televizive. Mos u habisni nëse një i huaj ju hap një temë popullore ndërsa prisni në linjë për një autobus, dyqan apo ashensor.
Autonomia
Të qenit i pavarur në Amerikë vlerësohet shumë. Shumë fëmijë dhe adoleshentë largohen nga shtepia shumë herët për periudha të gjata kohore për të vizituar kampe verore ose për të udhëtuar. Pas mbarimit të shkollës së mesme, ata shpesh zgjedhin universitete larg vendlindjeve të tyre, ku ata ndjekin në mënyrë të pavarur karrieren e tyre.
Diversiteti
Amerika është e veçantë në atë që ju mund të gjeni njerëz me prejardhje të ndryshme, kultura, besime dhe tradita. Nuk mund të thuhet se ekziston një amerikan tipik, dhe kjo është pikërisht ajo që e bën atë një vend kaq interesant. Kulturat ndryshojnë nga një vend në tjetrin, kështu që dilni dhe eksploroni çfarëdo kulture që ofron hosti juaj.
Diskutime
Në jetën e tyre private dhe të biznesit, amerikanët janë të njohur vendosmerine e tyre per te ndjekur atë që dëshirojnë. Ju sigurisht që do të takoheni me kolegë të cilët nuk kanë frikë të thonë idetë e tyre, ndërsa bisedoni me eprorët tuaj është normale dhe e këshillueshme që të kërkoni një shpjegim ose të shprehni mendimin dhe pikëpamjet tuaja.
Për më shumë informacion rreth programit Work and Travel kontaktoni konsulentët e Integral Educational Programs: