University of Westminster

Universiteti i Westminster është një nga universitet publike britanike, i fokusuar në kërkimet shkecore, me kampuse në Londër. I themeluar në 1838 si Institucioni Politeknik Mbretëror, universiteti është një nga institucionet më të vjetra të arsimit të lartë, si edhe instiucioni i parë politeknik në Mbretërinë e Bashkuar. Universiteti i Westminster ka katër kampuse: tre në qendër te Londrës dhe një në zonën veriperëndimore të Londrës.

Westminster krenohet me historikun e tij të gjatë në bashkëpunimin ndërkombëtar. Universiteti është renditur nga Times Higher Education si një nga universitetet më ndërkombëtare në botë ,  për ‘Outlook Ndërkombëtar’ si  edhe për përqindjen e studentëve ndërkombëtarë. Aktualisht në të studiojnë më shumë se 19,000 studentë nga 169 kombësi të ndryshme në programet universitare, pasuniversitare dhe profesionale.

Westminster ofron programe studimi shumë tërheqëse të bazuara në praktikë, vlerësuar dhe akredituar në nivel ndërkombëtar. Me një traditë 180-vjeçare, universiteti është lider në fushën e kërkimeve shkencore , veçanërisht në politikë, media, art dhe design, arkitekturë dhe shkenca mjekësore . Vendodhja në qendër të qyetit të Londrës i ka dhënë mundësinë universitetit të ndërtojë lidhje të ngushta me organizata lider në këto fusha, si dhe në botën e biznesit, teknologjisë së informacionit, politikës dhe ligjit. Universiteti ka partneritet me mbi 3,000 kompani për t’u ofruar studentëve mundësi punësimi dhe aftësi profesionale për një karrierë të suksesshme.