JONKOPING UNIVERSITY - SWEDEN

Aktualisht, 12,000 studentë po ndjekin studimet në këtë institucion arsimor, mbi 2,400 prej të cilëve janë ndërkombëtarë nga më shumë se 70 vende të ndryshme. Universiteti mbështetet në trajnimin praktik në fushën e sipërmarrjes dhe biznesit. Programet janë përgatitur në bashkëpunim të ngushtë me ndërmarrjet lokale. Universiteti i Jönköping bashkëpunon si me kompani të vogla suedeze, ashtu edhe me gjigantë të kalibrit të IKEA, Volvo, Scania, Tetra Pak, Ericsson, etj., ku studentët e diplomuar kanë mundësinë të shohin zbatimin praktik të njohurive teorike të fituara gjatë procesit mësimor.

Gjithashtu, universiteti ka 9 qendra kërkimore në fushat e ekonomisë, drejtësisë, shkencave politike, administrimit të biznesit, si dhe një park shkencor të vetin, ku studentët mund të vënë në praktikë një pjesë të madhe të ideve të tyre. Kjo shpjegon pse 1 në çdo 10 studentë zhvillon kompaninë e vet gjatë studimeve, si dhe faktin që universiteti renditet i dyti në Suedi për sa i përket realizimit të studentëve të tij.

Në vitin 2015, Fakulteti i Biznesit i Universitetit të Jönköping mori akreditim të dyfishtë nga EQUIS dhe AACSB për cilësinë më të lartë të programeve të ofruara, duke qenë aktualisht i vetmi në Suedi me këtë certifikim.