FALMOUTH UNIVERSITY – KREATIVITET & KARRIERE NDERKOMBETARE

Universiteti i Falmouth është një institucion i specializuar në art me më shumë se 120 vjet histori. Mësimdhënia është dizajnuar për të inkurajuar kreativitetin e studentëve, punën multidisiplinare dhe të menduarit jashtë kutisë, që janë çelësi i ekonomisë të së ardhmes.

Kampuset e Universitetit të Falmouth ndodhen në bregdetin jugperëndimor të Anglisë, një vend i sigurt dhe i bukur, ku e gjithë zona frymëzon me natyrën e saj piktoreske.

Objektet moderne në universitet përfshijnë studio animacioni, fotografisë dhe modës, pajisje të lidhura me dizajnin, si dhe punë me materiale të ndryshme që u ofrojnë studentëve përvojën praktike të nevojshme. Studioja e zhvillimit të lojërave elektronike është një nga më të mëdhatë në Mbretërinë e Bashkuar, me sisteme realiteti virtual dhe akses në disa nga programet më të përdorura të kësaj fushe — Unity, Unreal Engine, Autodesk Maya. Një sallë lajmesh, një studio radioje dhe regjistrimi, një kinema dhe një skenë teatri plotësojnë infrastrukturën e shkëlqyer. Përveç nivelit të lartë akademik që u ofrohet studentëve nga profesorë, përfshirë fitues të çmimeve Booker dhe Bafta, takimet me profesionistë të industrisë u japin mundësinë studentëve të punojnë në projekte reale që nga reklamat, agjencitë e modës, deri tek studiot e filmave.