Barcelona, kurs për të rinjë

Qyteti
Barcelona është një vend i mrekullueshëm për t’u vizituar. Qyteti ka afërsisht 2 milion banorë dhe ndodhet në pjesën veri-perëndimore të Costa Bravës, në një prej vendeve më të famshme të bregdetit të mesdheut. Në këtë qytet mund të admironi
veprat e artistëve të mëdhenj botërorë si Picasso dhe Miro. Premierat e pjesëve të famshme teatreale dhe koncerte të ndryshme shfaqen më shumë në Barcelonë sesa në Madrid. Arkitektura e qytetit kombinon stilin klasik me atë modern dhe ofron një numër të madh atraksionesh turistike për t’u vizituar. Ata që e vizitojnë Barcelonën mbeten të mahnitur nga kryeveprat e arkitektit të famshëm Antonio Gaudi. Guell, La Pedrera, La Sagrada Familia janë disa nga punët më të mrekullueshme të tij.

Kurset zhvillohen në ndërtesën kryesore të shkollës me stil gotik, e cila ndodhet në zemër të Barcelonës. Shkolla është vetëm disa minuta larg nga Las Ramblas dhe plazhi. Ajo ndodhet në pjesën universitare të qytetit, në një prej rajoneve më të bukura dhe të qeta të tij. Shumë pranë shkollës ndodhet stacioni i metrosë si dhe bulevardi i njohur „Diagonal” me dyqane, restorante dhe kafene. Nxënësit do të zhvillojnë mësim në klasa me kondicioner, do të kenë akses në sallën informatike dhe në bibliotekë.
Kurse
Me më tepër se 7 vite përvojë shkolla është në gjendje t’ju ofrojë nxënësve mësimdhënie cilësore. Metodologjia e përdorur për mësimin e gjuhës është e zakonshme dhe efektive. Ajo krijon një atmosferë ideale ku studentët inkurajohen të zbulojnë gjithnjë e më shumë interes në gjuhën dhe kulturën spanjolle. Programi standart dhe ai intensiv kombinon ushtrimet gramatikore me pasurimin e fjalorit.

Kurs standart (20 orë / javë) :Programi përfshin 20 orë në javë të spanjishtes së përgjithshme për të gjitha nivelet.Kursi zhvillohet nga e hëna në të premte në intervalin 90:00 – 12:30.
Kurs intensiv (30 orë/javë): Kursit standart i shtohen edhe 10 orë, që fokusohen kryesisht në spanjishten e folur dhe orët zhvillohen nga e hëna në të premte, në 13:00 – 14:30.

Familje pritëse
Akomodimi bëhet në familje pritëse spanjolle në dhoma dyshe, ose treshe. Në çmim përfshihen të treja vaktet dhe dreka mund të merret me vete. Gjithashtu nxënësit mund të përjetojnë atmosferën e veçantë të këtij qyteti dhe të njohin traditat e pasura të këtij rajoni.
Kampus :Akomodimi i nxënësve bëhet në qendrat e disa rezidencave. Për të marrë informacion më të detajuar kontaktoni me Integral. Mëngjesi dhe darka do të shërbehen në familjen pritëse ose në kampus, ndërsa dreka e paketuar do të shërbehet pas orëve të mësimit. Shkolla posedon një ambient të madh pushimi ku nxënësit mund të konsumojnë drekën dhe të miqësohen
me njëri-tjetrin.

Ekskursionet njëditore zhvillohen në qytetet historike të bregdetit Costa Dorada – Taragona dhe Sitges, manastirn Montserrat, Jirona, muzeun Dali, etj. Nxënësit do të kenë mundësi të vizitojnë muzeun Picasso, Katedralen La Sagrada Familia, lagjien historike El Barrio Gotico, Stadiumin Olimpik, Guell Park, Parkun ujor dhe destinacione të tjera. Kundrejt një tarife shtesë nxënësit mund të marrin pjesë edhe në aktivitete të tjera.