The International School of the Algarve | Integral

The International School of the Algarve

Shkolla ndërkombëtare e Algarve është themeluar në vitin 1972 nga një grup vendas, nën udhëheqjen e bashkëshortëve Paul dhe Eva Shelfhaut. Qëllimi i tyre kryesor është që t’ju ofroj një arsimim cilesor fëmijëve te komunitetit portugez dhe ndërkombëtar të krahinës më jugore në Portugali. Në një kohë të shkurtër shkolla ka fituar një reputacion ndërkombetar. Në ditën e sotme, këtu studiojnë nxënës nga më shumë se 30 shtete, pjesa më e madhe vjen nga Britania e Madhe, Hollanda, Spanja, Kina, Franca, Gjermania, etj. Kurset zhvillohen në grupe të vogla, gjë që i lejon të jetë një mësim më individual për t’ju përshtatur të gjitha nevojave të nxënësve. Falë atmosferës së ngrohtë dhe miqësore, nxënësit e rinj integrohen shumë shpejt në komunitetin shkollor.

Shkolla është e vendosur ne Lagoa, një qytezë me afërsisht 6000 banorë që i përket zonës Farom të qarkut Algarve. Kjo krahinë është një destinacion i famshëm turistik, që ofron plazhe të arta, vende kulturore dhe mundësi të ndryshme akomodimi me kushte të shkëlqyera për relaksim, sport dhe argëtim. Zona është e famshme për peshkim, prodhim të verave dhe gatimeve vendase. Kampusi i shkollës është i vendosur në afërsi të rrugës kryesore që kalon përgjatë bregut jugor të Portugalisë.

Nxënësit kanë në dispozicion autobuze private për të mbërritur në qytetet në afërsi: Faro, Budens, Lagos, Silves, Albufeira, Vilamoura, etj. Aeroporti ndërkombetar Faro ndodhet afërsisht 40 minuta larg me makinë. Kampusi ka një siperfaqe prej 10 ha dhe përfshin godina shkollore me 40 klasa, 3 laboratorë shkencor, 4 studio arti, 2 kabinete muzike, 3 salla informatike me internet, sallë design dhe teknologji, bibliotekë, kuzhinë dhe sallë ngrënjeje. Shkolla ka një qendër sportive të bollshme që përfshin fusha futbolli, tre fusha për calçeto, tre fusha volejbolli dhe 3 baskebolli, 2 fusha tenisi, pistë atletike, sallë gjimnastike dhe studio karateje. Uniforma është e detyrueshme për të gjithë nxënësit dhe është e siguruar nga shkolla, së bashku me pajisjet sportive. Nxënësve që vazhdojnë programin A-levels
u lejohet që të veshin edhe rroba të tjera, me kusht që të jenë të përshtatshme për mjedisin shkollor.

Akomodim:
Për akomodim përdoret një hotel që është transformuar në konvikt për nevojat e shkollës. Konvikti ka hapur dyert në vitin 2013 dhe është i vendosur në afërsi të godinave të shkollës. Ky ofron një pamje të mahnitshme të një prej plazheve më të bukura të botës. Nxënësit e moshës ndërmjet 12-14 vjeç janë të akomoduar në dhoma dyshe, ndërsa ata më të mëdhenjtë (14-18 vjeç) në dhoma individuale.

Të gjitha dhomat kanë banjo të vetën. Të gjithë nxënësit kanë një guide orientimi për të njohur jetën shkollore.Të gjithë nxënësit duhet të kenë sigurime mjeksore, kundrejt nje pagese shtesë. Sigurohet shërbimi për kujdesje mjeksore. Shkolla ofron këshillim gjatë pushimeve ndër semestre dhe të ditëve pushim të përfshira në taksën e shkollës. Sigurohen të tre vaktet me një menu të larmishme, të ekuilibruar dhe në varësi të moshës së nxënësve. Në drekë ofrohen tre lloje ushqimesh sipas zgjedhjes, të përgatitura në mensën e shkollës. Ekziston edhe një snack bar.

Informacione të përgjithshme

Mosha e nxënësve: 3-18 vjeç
Mosha e nxënësve në konvikt: 12-18 vjeç
Numri total i nxënësve: 600
Numri i nxënësve në konvikt: 20
Numri i nxënësve të huaj: 292

Programet akademike:
- IGCSE
- A-levels
- EAL

Kërkesa për nxënësit ndërkombetar:
- Lista e notave të dy viteve të fundit
- Test për pranim në anglisht dhe matematikë
- Intervistë
Bursa: Per informacion ne lidhje me bursa, ju lutemi kontaktoni me zyren Integral.