The Berlin Brandenburg International School (BBIS) | Integral

The Berlin Brandenburg International School (BBIS)

Berlin Brandenburg International School është një shkollë internacionale, ku mësojnë nxënës nga më shumë se 50 shtete dhe ofron programin prestigjoz International Baccalaureate, i akredituar nga Komiteti i Shkollave Ndërkombëtare. E themeluar në 1990, misioni kryesor i shkollës është të sigurojë një arsimim të shkëlqyer. Filozofia e shkollës është kombinimi i standarteve akademike të larta me njohuritë praktike dhe eksperiencën e përftuar jashtë shkollës. Baza shkollore aktuale ndodhet në qytetin Kleinmachnau të krahinës Brandenburg, me një distancë të vogël nga Postdam dhe nga periferitë e jug-perëndimit të Berlinit.

Shkolla zë një sipërfaqe prej 100 hektarësh, ku përfshihen pyje dhe një pjesë nga bregu i liqenit Seeberg. Ka katër ndërtesa të rinovuara, ku mësojnë nxënësit e shkollës fillore, të përgjithshme dhe të mesme. Shkolla ka në dispozicion klasa të mëdha, laboratore shkencore, sallë kompjuterash, laborator informatike, studio arti, kabinete muzikore për prova, dy salla multifunksionale, biblotekë. Shkolla gjithashtu përfshin sallën e sportit dhe stadiumin e ndriçuar me pistë atletizmi, terren për volejboll plazhi, basketboll, fusha tenisi dhe një seksion për hedhjen së gjati, hedhje disku etj. Në sallën e sportit të ndërtuar në 2008, mund të praktikohet fitnesi, ngjitje, basketboll, handball, futboll dhe tenis. Kjo e fundit përdoret ndonjëherë edhe për koncerte ose pjesë teatrosh.

Akomodim

BBIS ofron konvikt per nxenesit e klasave 9-12. Konvikti ndodhet në të njëjtën ndërtesë me shkollën dhe pret nxënës të huaj nga klasa e 6 deri në klasën e 12. Akomodimi bëhet në dhoma individuale dhe dyshe të rinovuara, me tualet brenda. Nxënësit kanë në dispozicion mensën, dy kuzhina, lavanderi, dhomë të madhe ndenjeje për argëtim, salle fitnesi dhe oborr të vetin. Nxënësit kanë akses në të gjitha objektet e kampusit pas mbarimit të aktiviteteve shkollore dhe gjatë ditëve të lira. Mësuesit jetojnë në apartamente që ndodhen shumë afër, dhe kujdesen për rehatinë e nxënësve gjatë qëndrimit të tyre në Berlin Brandenburg. Në ditët e lira ogranizohen eskursione dhe aktivitete në natyrë.

Aktivitete jashtëshkollore: Programi i aktiviteteve jashtëshkollore është shumë i larmishëm dhe përfshin shumë aktivitete sportive si futboll, basketboll, badmindton, turizëm, karate, joga, vrap, volejboll, softball, kercime latine- salsa dhe merenge. Shkolla ka klube per dramë, matematikë, klub për të drejtat e njeriut, kaligrafi, vizatim dhe teknika të ndryshme pikture, kinematografi franceze, web design, klubin e të dashuruarve pas kulturës dhe muzikës spanjolle, ansambël muzikor. Redaksia e shkollës publikon gazetën e shkollës..

Informacione të përgjithshme

Mosha e nxënësve: 3 -19 vjeç
Mosha e nxënësve në konvikt: 14 -19 vjeç
Numri i përgjithshëm i nxënësve: 680
Numri i nxënësve në konvikt: 23

Programe Akademike:
-IB

Kërkesa për pranim për studentët e huaj:
- Lista e notave të dy viteve të fundit
- Provime në anglisht dhe matematikë
Bursa:

Shkolla ofron bursa shume te limituara te pjesshme per nxenesit me te talentuar