Call us
00355 422 52 065

Kings Colleges

Historik i shkurtër dhe përshkrim
Kings Colleges janë një nga grupet kryesore të kolegjeve internacionale të Britanisë së Madhe të cilat ofrojnë programe të specializuara për integrimin me sukses në sistemin arsimor britanik dhe për regjistrimin në universitetet elitare angleze. Që prej themelimit të tyre, në vitin 1957, mundësohet ofrimi i kurseve të ndryshme, duke kombinuar traditat e pasura me metodat moderne. Programet e përgatitjes gjuhësore janë nga më të mirat dhe garantojnë një progres të shpejtë dhe efiçent në varësi të mundësive individuale. Kings Colleges sigurojnë një atmosferë të ngrohtën dhe miqësore, ku nxënësit zënë vendin kryesor dhe marrin mbështetje në çdo etapë të zhvillimit. Falë bashkëpunimit frutdhënës ndërmjet Frederic King dhe Robert Watts, kolegji I Bournemouth ka qënë i pari që ka hapur dyert në 1957; në 1966 është hapur kolegji i Londrës kurse dymbëdhjetë vjet më vonë i bashkohet Kings Colleges në Oxford. Kings Colleges janë pionerë në mësimin e nxënësve të huaj. Mbi 75% e tyre pranohen në universitetet më të mira të Anglisë dhe Skocisë.
Kings Brighton
Kolegji u hap në prill 2017 dhe është anëtari më i ri i grupit. Është disa minuta nga qëndra e Brighton. Pranë ka dyqane, kafene, një treg të hapur dhe shumë vende argëtimi, kinema, teatër etj. Zona është e njohur mes studentët. Nxënësit mund të praktikojnë not në pishinën afër, çiklizëm, sportet e plazhit, skateboarding, palestër dhe vallëzim. Kolegji ofron mësimdhënie moderne. Klasat janë me hapësirë të mjaftueshme, të pajisura me tabela interaktive. Ka laboratorë shkencorë, studio arti dhe dizajni, qendër kompjuterike, internet wireless, bibliotekë, kafene të madhe dhe oborr me mensë në natyrë. Gjatë mësimit, nxënësit mund të fitojnë përvojë profesionale përmes praktikave në kompani të ndryshme. Pjesëmarrja në projekte i integrin ato me komunitetin lokal të biznesit dhe ofron mundësi për zhvillimin e aftësive specifike dhe njohurive të reja.
Kings Bournemouth
Shkolla ndodhet pothuajse 10 minuta larg me këmbë nga qendra e Bournemouth. Dy ndërtesat mbresëlënëse të kolegjit ndodhen në një zonë elegante dhe rrethohen nga kopshte. Në dispozicion të nxënësve janë 28 klasa, më të shumtat të pajisura me teknika audio dhe video, tabela të bardha interaktive, auditorium i përdorur dhe si sallë kinemaje dhe vend për organizimin e festave. Në territorin e kolegjit ekziston internet wireless kurse qendra informatike siguron kushte të shkëlqyera për përgatitje gjuhësore, ushtrime dhe punë në projekte shkollore, nën udhëheqjen e një profesori.
Kings Oxford
Kolegji i Oxfordit ndodhet në një lagje të qetë, pothuajse 20 minuta me autobuz nga qendra e qytetit. Afër janë shumë dyqane, bare, restorante, bibloteka dhe një qendër sportive. Baza shkollore ka 21 klasa, disa të pajisura me teknika audio dhe video, tabela të bardha interaktive, laboratore fizike dhe një studio arti të madhe, me department pikture, grafiku dhe modelimi. Në auditorium bëhen provimet dhe organizohen takime me përfaqësues të universiteteve të ndryshme. Në dispozicion të nxënësve është dhe një qendër informatike me internet wireless.

Kings Londra
Kolegji është i formuar nga dy ndërtesa të mëdha të vendosura në periferinë e qetë të Londrës Beckenham. Qendra e Londrës është vetëm 17 minuta larg me tren,në këtë menyrë evitohet zhurma e qytetit, niveli I shtrenjtë i jetesës dhe pasiguria e qytetit të madh. Shkolla ka 18 klasa, më të shumtat të pajisura me teknikë audio-video për studime individuale. Përballë shkollës është një kompleks sportiv me pishinë, sallë gjimnastike, terrene sporti, studio kërcimi, qendër shëndeti dhe bukurie.
Programe akademike
GCSE- min. 15 vjeç
Kings Colleges ofrojnë dy plane studimi:
– Një kurs të përshpejtuar një-vjeçar në Bournemouth, Londër dhe Oxford
– Një kurs standart midis 4 – 6 semestrash në Bournemouth studentët do të ndjekin një program të përzier duke përfshirë lëndë si shkenca matematike dhe shkencat humane. Nxënësit mund të përgatiten për provimet GCSE në një gamë lëndësh, në varësi të aftësive dhe njohurive të gjuhës.
Lëndët përfshijnë: Art, Biznes, Anglisht, Gjeografi, Histori, Teknologji informacioni, Matematikë, PHSE, Shkenca, Arsimimit fizik. Ka gjithashtu mundësi për studentët që të marrin pjesë në një sërë aktivitetesh jashtëshkollore, si Young Enterprise dhe inter-college debating society.
A-levels – min. 16 vjeç
Programi dyvjeçar ofrohet në Londër dhe Oxford dhe njihet si “standarti i artë” për regjistrimin në universitetet më prestigjoze në botë dhe siguron jo vetëm njohuri të thelluara në lëndët e zgjedhura, por formon aftësi mësimi, mendimin kritik dhe kërkime individuale. Grumbullimi në grupe të vegjël, mbështetja e përhershme dhe provimet praktike qëndrojnë në bazë të progresit të shpejtë dhe rezultateve akademike të mira. Në funksion të orientimit profesional janë bërë programe indivuale për secilin nxënës. Zgjidhen 3-5 disiplina. Gjatë vitit shkollor ofrohen shtesë leksione historie universale të shekullit të 20, politika dhe marrëdhëniet ndërkombëtare. Nxënësit mund të studiojnë lëndë praktike si mendimi kritik, zgjidhja e problemeve dhe metoda sasiore. Programi përfshin leksione të gjuhës angleze, komunikim dhe përgatitje për provimin IELTS. Një pjesë e rëndësishme e planit arsimor e përbën përgatitja individuale, projektet dhe kërkimet, thelbësore për t’ia dal mbanë në universitet. Nxënësit me nivel më të ulët të gjuhës mund të fillojnë programin Extended A-Level. Ai përbëhet nga 1-3 simestre të mësimit të gjuhës intensiv dhe disa klasa mësim akademik plus 6 simestre të programit A-Level. Nëse studenti duhet të regjistrohet në programin e 7, 8 apo 9 kjo varet nga niveli i gjuhës angleze.
University Foundation Courses –
min. 17 vjeç
Prej shumë vitesh Kings Colleges ofron kurset më të mira për përgatitje për regjistrim në universitet. Ky program intensive njëvjeçar është më i shpejti dhe më i drejtpërdrejti për studimet e larta dhe ofrohet nga Bournemouth, Londra dhe Oxford. Janë krijuar kurset e mëposhtme për përgatitje në drejtime të ndryshme:
Advanced Level Foundation
Ky program njëvjeçar bazohet në planin shkollor A-levels dhe aktivitetet udhëhiqen nga të njëjët profesorë. Është për nxënësit e motivuar dhe të përgjegjshëm, me një potencial akademik të lartë, të cilët aspirojnë universitetet elitare.
Art Foundation
Ky kurs është për studentët të cilët kanë aftësi artistike dhe krijuese dhe duan një rrugë të shpejtë, dhe të drejtpërdrejtë të Artit dhe Dizajnit të lidhura me kurset në një nga universitetet në Mbretërinë e Bashkuar.
International Business Foundation
Ky kurs është ideal për studentë që duan një kualifikim në degë të biznesit ose synojnë të përdorin atë për të përparuar në një kurs në shkallë universitare të fokusuar në mënyrë specifike në biznes apo menaxhimin.
Hospitality and Tourism Management
Foundation
Programi është për nxënësit interesat e të cilëve drejtohen drejt industrisë turistike, hotelerisë dhe sferës së serviseve turistike.
Përgatitje gjuhësore
Tre kolegjet ofrojnë kurse gjuhësore të ndryshme në funksion të nivelit të pare dhe të kërkesave të nxënësve.
-kurse anglishte të përgjithshme- studimi është intensiv, nga 28 orë/javë, 20 janë për perfeksionimin e njohurive gramatikore, lexim, shkrim dhe dëgjim, kurse 8 orë janë për gjuhë angleze të specializuar.
-kurset e përgatitjes për provime- ofrohen kurse përgatitore për provimet FCE, CAE ose IELTS. Kurset për provimet Cambridge organizohen në Bournemouth dhe Londër, kurse ato për IELTS- në tre kolegjet. Mësimdhënia përfshin 20 ose 28 orë/javë, në të cilat nxënësi familjarizohet me formatin e provimeve, vendosin në përdorim të gjitha aftësitë dhe minimumi tre orë/javë jepen provimet provë.
-kurs i specializuar për art dhe designkohëzgjatja minimale është 4 javë. Mësimdhënia bëhet në Oxford dhe përfshin 20 orë anglishte të përgjithshme, 8 orë aktivitete të specializuara në art dhe minimum 6 orë/javë punë individuale në projekte.

Akomodimi
Familje mikpritëse
Akomodimi bëhet në familje të përzgjedhura me kujdes, të cilat kanë eksperiencë të gjatë. Të gjitha familjet sigurojnë një akomodim të rehatshëm, një atmosferë të këndshme. Shumica jetojnë në një distance prej 10-30 minutash me këmbë ose kanë transport të leverdisshëm.
Kampusi
Kings Brighton – Konvikti ndodhet në të njëjtën ndërtesë si kolegji dhe ofron kushte jetese moderne dhe të rehatshme. Akomodimi është në dhoma private en suite. Në dispozicion janë gjithashtu dhoma të përbashkëta me TV, lavanderi, internet wireless. Mosha minimale e nxënësve është 15 vjeç.
Kings Bouremouthe (minim. 16 vjeç)- konvikti Milton House është një ndërtesë e re e ndodhur në Charminster, një zone shumë e famshme mes nxënësve, vetëm 15 minuta me këmbë nga kolegji. Afër ndodhen dy qendra për relaksim dhe argëtim. Disa dhoma (5-7) janë të grupuara në apartamente individuale, secili është i mobiluar dhe me kabinë personale për dush. Nxënësit kanë kuzhinë dhe dhomë të përbashkët me televizor. Në konvikt ka lavanderi dhe internet wireless.
Kings Oxford (minim. 16 vjeç)- nxënësit akomodohen në Crescent Hall, kampus studentor i cili i përket universitetit Oxford Brookes. Ndërtesa moderne ofron kushte të shkëlqyera dhe ndodhet vetëm dy minuta larg kolegjit. 6 dhoma janë tëgrupuara në apartamente të ndara, secili me dy banjo dhe telefon. Ka lavanderi. Kings London (minim. 18 vjeç)- akomodimi bëhet në disa shtëpi të rehatshme, të ndodhura në distancë të vogël nga kolegji. Dhomat janë të mëdha kurse nxënësit kanë në dispozicion dhoma të përbashkëta, një kuzhinë të ndarë, dy banjo dhe një kopësht të madh.
.