Institut auf dem Rosenberg | Integral

Institut auf dem Rosenberg

Institut auf dem Rosenberg është themeluar në vitin 1889 nga Dr. Ulrich Schmidt dhe ndodhet në Saint Gallen, në pjesën gjermane të Zvicrës, vetëm 70 km larg Zurich-ut. Qyteti mban emrin e murgut Galus, i cili është vendosur në këto vende që në shekullin e VII. Pozicionimi perfekt i qytetit midis kodrave Santis dhe liqenit Bodensee, i kanë krijuar reputacionin e një qyteti-kopësht. Qyteti është i njohur për universitetet e vjetra dhe qendrën historike me shumë shtëpi të vjetra dhe dyqane piktoreske. Shkolla gëzon një reputacion të shkëlqyer dhe njohje ndërkombëtare. Pas luftës së parë botërore instituti bëhet pronë e familjes Gademan. Gjatë kohës, shkolla u afirmua si një nga shkollë-konviktet kryesore të Zvicrës. Motoja e shkollës janë fjalët e pedagogut Heinrich Pestalozzi, i cili thoshte që “objektivi i shkollës është të na mësojë si të jetojmë”. Çdo i ri përfaqëson një entitet të veçantë dhe meriton një vëmendje individuale në trajnimin dhe formimin e tij. Kalimi i kohës me nxënës të kombësive të ndryshme i ndihmon ata të zhvillojnë aftësitë si socializimi dhe bashkëjetesa me të tjerët dhe i ndihmon të zbulojnë dhe të krijojnë besim në vetvete. Përveç këtyre, zotërimi i gjuhëve të huaja, respektimi i këndvështrimeve të ndryshme dhe aftësia për të marrë vendime janë thelbësore për karrierën e ardhshme të çdo nxënësi. Të diplomuarit e shkollës pranohen në universitetet më të mira si EBS Londër, St. Martin’s College, Aston University, universitete nga Gjeneva. Godina e shkollës ndodhet në një sipërfaqe prej 100 mijë metrash katrorë, në një rajon vendbanimi nga Saint Gallen. Shkolla diponon disa njësi shkollore dhe konvikte, të rrethuara nga një park i mrekullueshëm.

Shkolla disponon ambjentet e veta të tenisit, futbollit, basketbollit, barkë për ski. Nxënësit mund të regjistrohen në ekipet e çiklizmit malor, golf, volejboll dhe tenis. Ofrohen kushte të shkëlqyera për praktikimin e notit, hipizmit, fitnesit, kërcimit, patinazhit, hokej, ski dhe snowboarding, alpinizëm. Rregullisht organizohen vizita kulturore në Zurich, Gjenevë, Lucerna, Milani, Munchen ose Insbruck, si dhe vizita në muze, galeri arti, teatër, opera, etj.

Akomodim:
Nxënësit janë të akomoduar në kampuse të ndryshme, në varësi të moshës. Nxënësit më të vegjël akomodohen në dhoma me
2-4 krevate kurse ata më të mëdhenjtë, në dhoma individuale ose dyshe. Banjot janë të vendosura në çdo kat.

Informacione të përgjithshme

Mosha e nxënësve: 6 – 18 vjeç
Mosha e nxënësve në konvikt: 6 – 18 vjeç
Numri i përgjithshëm i nxënësve: 350

Programe Akademike:
- Seksioni anglo-amerikan- GCSE, A-Levels, High School Diploma, AP
- Seksioni gjerman- Abitur
- Seksioni zviceran- Swiss Matura
- Seksioni italian- Matura Italiana
- Përgatitje gjuhësore
- Kurse vere të gjuhëve të huaja

Kërkesa për pranim për studentët e huaj:
- Lista e notave të tre viteve të fundit
- Rekomandim nga ana e profesorit
- Test në gjuhën angleze- për nxënësit nën 16 vjeç
- Intervistë për nxënësit 15 vjeç (mund të bëhet në zyrat e Integral)
Bursa:

Shkolla ofron bursa për nxënësit me rezultate akademike të shkëlqyera në fushën e arteve dhe sportit.