Aplikimi në universitete jashtë vendit kalon në disa faza, duke filluar nga pyetjet e shumta për takimin e parë me një konsulent arsimor dhe duke përfunduar me pranimin e suksesshëm për studime jashtë vendit.
Për shumë prej studentëve të ardhshëm, një nga hapat më domethënës është përgatitja e një letre motivimi, pasi pothuajse për të gjitha universitetet ndërkombëtare jashtë vendit letra e motivimit është një kriter i rëndësishëm për vlerësimin e aplikantëve dhe duhet thënë se konkurrenca është e lartë.
Letra e motivimit është kartëvizita juaj
Letra e motivimit është kartëvizita e çdo studenti të ardhshëm. Në të ju tregoni interesat, njohuritë dhe aftësitë tuaja, parashtroni arsyet pse dëshironi të studioni degën e zgjedhur, dhe pse veçanërisht në këtë universitet. Përveç kësaj, një letër motivimi e suksesshme ju lejon të dalloheni nga aplikantët e tjerë dhe rrit më shumë shanset për pranim.
Përvoja jonë me mijëra studentë dëshmon qartë se përgatitja nuk duhet nënvlerësuar dhe është e nevojshme të shpenzoni kohë dhe përpjekje të mjaftueshme për të gjetur opsionin e duhur për ju. Personat e specializuar për shkrimin e letrave motivuese do t’ju japin udhëzime të vlefshme dhe këshilla praktike se si të shkruani sa më mirë një letër motivimi.
Çelësi qëndron në strukturën e duhur
Çdo letër motivimi e suksesshme përbëhet nga tre komponentë: hyrje, zhvillim dhe mbyllje. Meqenëse fjalët hapëse janë të një rëndësie të madhe, ato duhet të emocionojnë lexuesin duke treguar një histori personale ose duke shkruar një citat të preferuar në një mënyrë interesante dhe bindëse.
Në pjesën kryesore, ju pritet të përshkruani aftësitë, interesat dhe arritjet tuaja, planet tuaja të ardhshme të karrierës dhe natyrisht motivimin tuaj për zgjedhjen e programit të caktuar. Përfundimi zakonisht përmban një përmbledhje të shkurtër dhe pozitive.
Bëhuni sa më kreativ
Formula e suksesit është planifikimi i mirë, struktura e saktë dhe përdorimi i imagjinatës. Mos harroni se qëllimi i një letre motivuese është të tregojë se çfarë lloj personi jeni, cilat janë pikat tuaja të forta, çfarë ju dallon nga aplikantët e tjerë dhe çfarë mund t’i jepni ju universitetit.
Rekomandimi ynë është që të përpiqeni të jeni sa më origjinalë edhe nëse keni marrë frymëzim nga shembuj dhe punime të studentëve të tjerë. Ndershmëria dhe specifika vlerësohen shumë, ndaj përpiquni të jeni vetvetja.
Gjithashtu, nëse po aplikoni në disa universitete jashtë vendit, përpiquni të përgatisni letra të ndryshme motivuese sipas specifikave të programit, destinacionit arsimor dhe universitetit që do të ndiqni.
Nëse dëshironi të mësoni detajet e të shkruarit të një letre motivimi të suksesshme dhe të përfitoni nga rekomandimet profesionale të konsulentëve tanë me përvojë, mund të konsultoheni me ekspertët tanë.
+355 69 80 40 601
anka@integral.al