Dëshironi të vazhdoni studimet jashtë vendit? Për të gjithë studentët që duan të vazhdojnë programin Bachelor ne Europe, Hollanda është një zgjedhje e shkëlqyeshme. Vetëm në vitin akademik 2018-2019, 85.955 studentë nga 170 vende të ndryshme nisen studimet Bachelor në Hollande.
Arsimi i lartë në Hollandë është i njohur në të gjithë botën për cilësinë e tij të lartë. Institutet arsimore Hollandeze shënojnë rezultate të shkelqyera ndërkombëtare. Universiteti i Shkencave të Aplikuara Tio, për shembull, vlerësohet shumë për cilësinë e arsimit të tij dhe programet e tij bachelor kanë fituar rezultatet më të larta në Udhëzuesin e pavarur të Arsimit të Lartë, i cili bazohet pjesërisht në Anketën Kombëtare të Studentëve, për vite me rradhë. Sistemi i arsimit të lartë holandez është i përbërë kryesisht nga tre lloje të ndryshme institucionesh. Këto janë Universitete Kërkimore, Universitete të Shkencave të Aplikuara dhe Institute për Arsim Ndërkombëtar.
Universitete në Hollandë
Në këtë artikull mund të gjeni 5 nga programet bachelor më të preferuara në Hollande.
1.Law
Programet bachelor ne Hollande ne degen e drejtesise,vlerësohen shumë për shkak të natyrës dhe intensitetit të tyre. Një diplomë në ligj është një rrugë e mirë për shumë pozicione në fusha të ndryshme, duke përfshirë atë të biznesit, bankare dhe politikës. Do të zhvilloni një kuptim të thelluar të ligjit në një nivel filozofik, dhe se si ligji dhe sistemi i drejtësisë ndikojnë në jetën e atyre që preken nga këto ligje. Një diplomë universitare në drejtësi do t’ju japë një njohuri themelore mbi ligjin dhe si praktikohet në vendin tuaj.E drejta e përbashkët është baza për shumicën e sistemeve juridike, por specifikat mund të ndryshojnë në secilin vend. Shtë e rëndësishme që diploma juaj juridike t’ju mësojë sistemin juridik më të zbatueshëm për vendin në të cilin dëshironi të praktikoni.Ne këtë program studimi perfshihen ligjërata dhe seminare, së bashku me seanca praktike dhe procese gjyqësore. Kursi juaj mund të përfshijë një vendosje në një firmë juridike, e cila do t’ju lejojë të përjetoni si është të punoni brenda sistemit juridik.
2.Computer Science
Një diplomë universitare në Computer Science ne Hollande do t’ju ofrojë një themel të mirë të njohurive në këtë fushë.Do të studioni module për zhvillimin e softuerit, teknologjinë e informacionit, programimin kompjuterik, sistemet kompjuterike dhe inxhinierinë e softuerit. Këto module do t’ju lejojnë të zhvilloni të kuptuarit tuaj teorik të shkencës kompjuterike, si dhe si të aplikoni njohuritë dhe aftësitë tuaja në situata reale.Ne kete program studimi do të përfshihen ligjërata dhe seminare, punë praktike dhe seanca laboratorike kompjuterike.
Shkenca kompjuterike është një disiplinë shumë e rëndësishme në botën e sotme. Mbështetja jonë në teknologji në jetën e përditshme po rritet gjithnjë e më shumë.Kjo mbështetje do të thotë që ka më shumë kërkesë për shkencëtarët e kompjuterave që kanë një përvojë të pasur në këtë fushë. Me përdorimin e kompjuterave dhe pajisjeve mobile në një gamë të gjerë të industrive, do të zbuloni se mundësitë tuaja të karrierës janë të pafundme dhe të ndryshme.
3.International Business
Zhvillimi global dhe rritja e kompanive ndërkombëtare ka sjelle që shkallët e biznesit ndërkombëtar të bëhen më të popullarizuara. Kjo është arsyeja që ky program është një nga programet e preferuara bachelor në Hollandë.Tani të gjitha bizneset po kërkojnë të përfitojnë nga mundësitë që ofron tregtia në të gjithë botën, duke e bërë arsimin e biznesit ndërkombëtar një nga më të rëndësishmit.
Një diplomë universitare në biznes ndërkombëtar do t’ju japë një njohuri themelore të biznesit. Pastaj do të jeni në gjendje të zhvilloni këto njohuri dhe t’i zbatoni ato në kontekstet ndërkombëtare. Kurset e biznesit ndërkombëtar do të përfshijnë një gamë të gjerë temash, të tilla si marketing financash, menaxhim marketingu, menaxhim ndërkombëtar,biznes dhe menaxhim.Kryesisht do të mësonii përmes leksioneve dhe seminareve. Mund të ketë mundësi për të marrë pjesë në projekte që simulojnë një detyrë biznesi.
4.Engineering
Planifikoni të studioni një diplomë inxhinierike jashte vendit? Hollanda eshte destinacioni i duhur. Te gjithe e dime qe inxhinierët luajnë një rol jetësor në çdo vend të botës dhe gjithnjë e më shumë njerëzit kanë filluar të kuptojnë rëndësinë e të diplomuarve ne inxhinieri.
Mundësia për të vazhduar studimet jashtë vendit në degën e Inxhinierise është një rrugë interesante, dinamike dhe e mrekullueshme, dhe mund të kombinohet me lëndë të tjera nëse dëshironi.
Kjo është një karrierë që mund t’ju shetisë nëpër botë, duke punuar me projekte të ndryshme.Nëse ju pëlqen matematika, shkenca, teknologjia dhe dizajni, atëherë kjo mund të jetë një zgjedhje jashtëzakonisht e dobishme për ju, e cila mund t’ju çojë në një karrierë te suksesshme si inxhinier civil, inxhinier elektrik, inxhinier mekanik, inxhinier kimik, inxhinier aviacioni … lista vazhdon!
Studimi jashtë vendit mund të jetë një vendim i frikshëm për tu marrë, – të gjitha mendimet konfuze mund t’ju vine në kokë, por pasi të merrni këtë vendim, pa dyshim do te jetë një nga vendimet më të mira që keni marrë ndonjëherë, dhe do t’ju japë një përvojë të jetës, dhe një diplomë jashtëzakonisht të vlefshme për ta marrë kudo që të dëshironi.
Inxhinieria në të vërtetë është një temë ndërkombëtare. Nuk ka rëndësi se ku dëshironi të studioni, sepse është me të vërtetë një lëndë globale,kjo është edhe arsyeja pse ky program është një nga programet më të kerkuara në universitetet në Hollandë.
5.Life Science
Në programin bachelor Life Science në Hollandë,ju do të kombinoni njohuritë tuaja për shkencat e jetës me shkencën e të dhënave. Ju do të punoni si profesionist në teknologjitë e reja të përpunimit të të dhënave, duke kontribuar kështu në kujdesin shëndetësor dhe inovacionet në industrinë e Shkencës së Jetës. Me pak fjalë, ju do të shnderroheni në një shkencëtar të dhënash i cili plotëson boshllëkun midis fushave të shkencave të jetës dhe teknologjisë.Programi Bachelor Life Science ne Hollande ju siguron të paktën një vit të plotë trajnimesh kërkimore në Shkencën dhe Teknologjinë e Jetës, e ndjekur nga një vit me kurse te ndryshme, praktikash dhe kërkimesh në fushën e komunikimit shkencor.
Ju mund të hartoni programin tuaj personal të përshtatur ne interesat tuaja dhe ambiciet në lidhje me Shkencat e Jetës, biomjeksinë dhe Biologjinë Kimike. Mundesitë e pafundme të karrierës e bejnë këtë program një nga degët më të preferuara nga studentët.
Për më shumë informacion: