Academic Summer, Sidcot

Grupi udhëton me një shoqërues nga Shqipëria

Mosha: 7 – 12 vjeç

Data: 9 Korrik – 23 Korrik

Çmimi: all-inclusive: £2,690

Shkolla

Shkolla Sidcot ndodhet në jugperëndim të Anglisë, vetëm 20 minuta larg nga aeroporti i Bristol dhe afërsisht 2 orë larg Londrës.

Kursi

Kursi përfshin 26 orë mësimi anglishteje çdo javë, matematikë, shkenca natyrore, art dhe vetpërgatitje. Mësuesit janë profesionistë dhe me shumë eksperiencë.

Akomodimi

Akomodimi i nxënësve bëhët në dhoma individuale ose dyshe. Ofrohen edhe dhoma me nga 3 ose 4 shtretër. Tualetet janë të përbashkëta për çdo kat. Në kampus ka dhoma të përbashkëta të cilat shërbejnë për kalimin e kohës së lirë dhe janë të pajisura me kuzhinë dhe lavanderi.

Koha e lirë

Gjatë pasditeve dhe mbrëmjeve organizohen aktivitete si: kërkim thesari, qitje, bowling, disko, kinema, barbecue, teatër.

Aktivitetet sportive

Nxënësit mund të përdorin bazën sportive të shkollës, e cila përfshin sallën e sportit dhe pishinën. Kundrejt një pagese shtesë ofrohet edhe sporti i hipizmit në hipodromin e shkollës.

Academic Summer, London

Grupi udhëton me një shoqërues nga Shqipëria

Mosha: 12 – 17 vjeç

Data: 9 Korrik – 23 Korrik

Çmimi: all-inclusive: £2,690

Shkolla

Prej vitit 2015 kolegji privat “DLD College London” është shpërngulur në një ndërtesë të re në qender të Londrës, në një kampus me pamje nga Westminster dhe Lumi Thames. Në DLD College ka shumë ambjente moderne studimi, salla sporti, mensë modern etj.

Akomodimi

Akomodimi i studentëve bëhet në dhoma të reja brenda kolegjit DLD. Dhomat janë individuale ose suita. Studentët mund të përdorin shërbimin e lavanderisë.

Sporte dhe kohë e lirë

Kampusi disponon salla sporti, studio kërcimi, fitnes dhe fushë tenisi. Gjatë mbrëmjeve organizohen një sërë programesh dhe aktivitetesh të ndryshme. Gjatë kohës së lirë studentët mund të vizitojnë Londrën.

Eksursione

Në fundjavë organizohen 2 ekskursione ditore në Oxford, Cambridge, Windsor, Winchester, Brighton, Bournemouth dhe 4 ekskursione gjysëm ditore në javë në vendet më të bukura të Londrës.

Barcelona

Grupi udhëton me një shoqërues nga Shqipëria

Mosha: 5 – 18 vjeç

Data: 2 Korrik – 16 Korrik

Çmimi: €2,340 deri në fund të muajit Shkurt

Kursi

Kursi përfshin 20 orë mësimi të gjuhës spanjolle ose angleze me 4 mësime të përditshme, nga e hëna deri të premten, akomodim, të treja vaktet, program argëtimi për kohën e lirë dhe ekskursionet. Çdo orë mësimi është 45 minuta dhe klasat janë të përbëra me një maksimum prej 14 nxënësish.

Akomodimi

Rezidenca ku akomodohen studentët ndodhet në universitetin UPC, një zonë metropolitane e Barcelonës. Dhomat janë teke ose me nga dy shtretër, me ajër të kondicionuar dhe tualet privat.

Sporte dhe kohë e lirë

Programi veror është projektuar në mënyrë që studentët të jenë në çdo moment të ditës të përfshirë në aktivitete të shumta. Duke marrë pjesë në lloje të ndryshme aktivitetesh, studentët nuk pushojnë kurrë së argëtuari! Kundrejt një pagese shtesë mund të merren mësime futbolli, tenisi apo sporte të ndryshme ujore si kanoe, surf, vozitje etj.

Ekskursione

Gjatë kampit organizohet një ekskursion i plotë ditor dhe dy ekskursione gjysmë ditore në vende të ndryshme në afërsi të kampit.

Munich

Grupi udhëton me një shoqërues nga Shqipëria

Mosha: 14 – 17 vjeç

Data: 16 Korrik– 29 Korrik

Çmimi: € 2,290 deri në fund të muajit Shkurt

Shkolla

Shkolla është e vendosur në ambjentet e hotelit për të rinj A&O Hotel i cili ofron ambjente për trajnime dhe akomodim të shkëlqyeshëm.

Mësimi

Zhvillohet nga mësues të kualifikuar me përvojë në mësimin e gjermanishtes për të huajt. Nuk ka orë mësimi të shtunën dhe të dielën por një program argëtimi ose sportiv.

Akomodimi

Nxënësit akomodohen në hotelin për të rinj "A&O", në dhoma dyshe ose katërshe, të pajisura me tualet në dhomë. Akomodimi përfshin 3 vaktet, ndërsa shërbimi i lavanderisë ofrohet kundrejt një pagese shtesë.

Kohë e lire, ekskursione dhe sporte

Qendra ofron një gamë të gjerë aktivitetesh të organizuara, të tilla si: lojra, sport dhe vizita në destinacione të ndryshme turistike. Gjithashtu organizohen edhe ekskursione të plota ditore në fundjavë.