10 Arsyet pse duhet të zgjidhni një shkollë të mesme jashtë vendit ! | Integral

10 Arsyet pse duhet të zgjidhni një shkollë të mesme jashtë vendit !

17.02.2020

Vendimi për të zgjedhur një shkollë të mesme jashtë vendit mund të jetë një nga vendimet më me perspektivë që dikush mund të bëjë në lidhje me edukimin dhe të ardhmen e tij. Cilat arsye të çojnë drejt zgjedhjes së një shkolle të mesme jashtë vendit?

  1. Të bëhesh i pavarur

Studimi jashtë vendit në një shkollë të mesme bën që të fitosh pavarësinë në një mënyrë të re dhe emocionuese! Po, ti përsëri do të duhet të mësosh, po, përsëri do t’i përkasësh një familjeje, po, përsëri do të kesh përgjegjësi, por do të duhet ta bësh këtë vetë dhe larg familjes tënde. Kjo mund të të çojë drejt një eksplorimi interesant dhe të lirë drejt vetes dhe çfarë do që të bëhesh.

  1. Të pasurosh aplikimin në universitet

Një shkollë e mesme jashtë vendit e bën të duket një aplikim në universitet më tërheqës. Ju bën të dukeni një student i pjekur, i dedikuar ndaj studimeve dhe dinamik, duke bërë të jeni saktësisht lloji i studentit që universiteti po kërkon.

  1. Të fitosh aftësi gjuhësore

Studimi jashtë vendit mund të të ndihmojë të vendosësh në praktikë aftësitë e tua gjuhësore dhe të fitosh njëkohësisht aftësi të reja. Thjesht të duhet të gjesh një program studimi në një vend që flet gjuhën e huaj dhe do të jesh drejt rrugës së perfeksionimit dhe të folurit më rrjedhshëm të saj!

  1. Të përjetosh kultura të reja

Studimi jashtë vendit mund të të ekspozojë ndaj kulturave të reja dhe interesante! Eksperienca e një shkolle në një vend të huaj të ofron njohjen me një kulturë të re, me njerëz të ndryshëm dhe përvoja sfiduese dhe shpërblyese. Programet e shkollës së mesme jashtë vendit ofrojnë mundësi të mëdha për pasurimin e njohurive, transformimin dhe rritjen si individ.

  1. Të mësosh mbi veten tënde

Studimi jashtë vendit mund të të ndihmojë të identifikosh pasionet dhe interesat e tua. Të kuptosh se kush je dhe çfarë dëshiron të bësh me jetën tënde mund të jetë tepër e vështirë. Programet e studimit në shkolla të mesme jashtë vendit të japin një mundësi për të zbuluar dhe eksploruar interesa, pasione të reja dhe emocionuese, si dhe rrugë të reja të edukimit apo të karrierës.

  1. Të bëhesh një person më interesant

Studimi jashtë vendit të bën një person edhe më interesant me eksperienca të veçanta. Duke kaluar kohë jashtë vendit, mund të bëhesh një person më i angazhuar dhe i sigurt në veten tënde. Përvojat që do të kesh dhe gjërat që do të shohësh, do të të ndryshojnë dhe forcojnë si individ duke të përgatitur për të ardhmen.

  1. Të bësh miq të rinj

Studimi jashtë vendit të ndihmon të zgjerosh komunitetin tënd të miqve të huaj. A nuk do të ishte mirë të kesh një mik në Angli, disa miq në Amerikë, ose një mik të mirë në Gjermani? Ti mund të zgjerosh rrethin e miqve thjesht duke studiuar jashtë vendit në një shkollë të mesme.

  1. Të sfidohesh

Të studiosh jashtë vendit është argëtuese dhe sfiduese! Kështu, shumë prej nesh mësojnë dhe rriten në mënyrat më të mira përmes sfidave. Kur kalon një pjesë të shkollës së mesme duke studiuar jashtë vendit, ke mundësinë të rritesh përmes sfidave dhe përballja me to në një moshë të vogël, të ndihmon ti bësh ballë shumë sfidave të jetës në të ardhmen.

 

  1. Të rrisësh nivelin e arsimit tënd

Studimi jashtë vendit e bën arsimin më interesant, veçanërisht nëse i lidh studimet me programin akademik që zgjedh. Pse të mos studiosh letërsi angleze në Britaninë e Madhe ose historinë e Gjermanisë në Gjermani? Rrit nivelin e edukimit tënd në jetë duke u arsimuar në vende dhe kultura të lidhura me programin e zgjedhur të studimeve të tua.

  1. Të argëtohesh

Së fundmi, studimi jashtë vendit në shkollë të mesme mund të jetë shumë argëtues! Le ta pranojmë: shkolla e mesme nuk është gjithmonë qejf. Studimi jashtë vendit, megjithatë, është! Njerëz të rinj, perspektiva të reja, përvoja të reja dhe mënyra të reja të jetesës, të gjitha të presin në programet e studimeve të një shkolle së mesme jashtë vendit.

 

Rezervo një konsulencë Falas me Integral